Liedertext: Umgekehrt

Mängisch wäni öppis nöd verstah
dänn dänki öppedie mal na
und weiss dänn meischtens au nöd me
hauptsach mä isch halbwägs intressiert
wänns ämal noimed diskutiert
und mitem chopf nicke chasch eh

Wieso erhoffemer ois vom meteo än blick i zuekunft
simmer wüki so deillusioniert
glaubemer dänn glück seg sziel vom läbe
ich ha drum eher sgfühl...sisch umgekehrt

so gheimer mal rächt mal schlächt durs läbe
träffed vil und vil dänäbed
sind öppe bstellt und nöd abholt
meischtens me am struggle als am hussle
lönd ois ä tuur aumal vermassle
mal isch was glänzt halt dänn glich gold

staht eine mal so richtig näb dä schueh
händ mir no gärn nüt dämit ztue
sind schnäll am änd vode geduld
mir händ ja xeit är söll chli öppis us sich mache
susch hät är am schluss nütz lache
wär nu zletscht lacht isch sälber tschuld

Zurück