Drü Gschwüschterti und zwei Fründe spiled sit 20 Jahr akustischi Mundartmusig als

gäbs käs morn, ohni debi

d Zueversicht zverlüüre. 

Und glich wännds es immer no und nomal wüsse. D Antworte chönd no bitz warte, aber d Frage sind doch schomal gstellt. Wieso bini und wieso bliibi und wie seitmer däm womer gspüürt? Wär isch da und wär xehtmi und gits öpper wo mich ghört? 

Mängisch chömers sälber chum glaube, wie gschnäll die Ziit di ganz Ziit vergaht. Und mängisch wänn am Konzert alls ganz still isch, isches als bliibti si füren Momänt churz stah.

Das sind Momänt womer nöd cha schaffe und nöd cha hebe und für die spilemer scho lang und bis hüt. Das sind Momänt wo öppis hinderlönd, wänns vergönd. Und so bliibt öppis wo fählt… zum Glück!